Dit wil voorkom asof  die buitelewe tydskrifte nou almal iets oor hierdie roete publiseer en natuurlik sal dit die belangstelling van die viertrek entoesias prikkel.  Voordat hierdie avontuur aangepak word, gaan sit stil en beplan deeglik.

Die roete:  Waar om te bly, wat om te sien, wat om saam terug te bring...
Eerstens -  hierdie gebied kan nie sonder `n gids besoek word nie.  Ons het van Johann du Toit van Oudtshoorn se dienste gebruik gemaak, beter bekend as JJ4x4 Avonture. Johann het `n samewerkingsooreenkoms met Volker Jahnke van Coastways Tours in Lüderitz. Coastways het `n konsessie om toeriste vanaf Lüderitz na Saddle Hill te neem.  Uri Adventures van Windhoek neem weer besoekers in die noorde van Walvisbaai na Conceptionbaai.  Daar is ook weer `n samewerkingsooreenkoms tussen Coastways en Uri wat “sandentoesiaste” vanaf Lüderitz na Walvisbaai neem. 

Die middeljarige, Volker Jahnke, `n Duits-sprekende “suidwester” ken hierdie gebied soos die palm van sy hand. Die jonger Rossouw Aggenbach van Uri is ook `n kenner van sy gebied. Kalbas Nell het JJ4x4 Avonture verteenwoordig met ons avontuur.

• Pak so lig as moontlik, haal liewer die kappie van jou bakkie af, en geen dakrakke word toegelaat nie. `n Kappie mag help om die sand te keer, as die wind waai keer niks die Namibsand nie. Daardie ekstra gewig wat jy tuis los is `n bate.

• Alles moet kan vasgemaak word, ek bedoel goed vasgemaak!

• Brandstof vir 650 km. (Petrol werk op 3 km per liter, Diesel so ‘n bietjie beter @ 4 km per liter)

• JJ4x4 Avonture het vir ontbyt en aandete gesorg. Hulle het ook die skottelgoed voorsien en gewas. Iets om aan te peusel gedurende die dag en `n klammigheid om die keel nat te hou is jou verantwoordelikheid.

• `n Goeie pomp om bande gou te pomp. Die soort wat van die voertuig se kragbron werk is soveel meer gemakliker op die rug.  Die slim manne praat van hulle ry met  bande wat .9 gepomp is. Glo my daar word druk verminder en vermeerder.

• Die breedte van die band loopvlak speel ongetwyfeld `n groot rol. 265 en breër word aanbeveel. Volker se voertuig het 285’s op. Met ons groep was daar een voertuig met 245’s en hy het verskeie maal `n band gehad wat afgetrap het.

• Terwyl ons nou met bande besig is, slegs die binnebandlose word toegelaat. As gevolg van die lae banddruk waarteen bande gery word werk binnebande nie. Vir dieselfde rede is (splitrims) ook buite die kwessie.

• Water vir was en drink, bring vir jou saam waaraan jy gewoond is, in die Namib is `n omgekrapte maag nie `n plesier nie.

• `n Tent of as jy onder die sterre wil slaap ook goed, onthou die wind mag waai en langs die see reën dit in die woestyn. Tentpenne hou nie in die sand nie so werk iets uit om te voorkom dat die wind jou huis wegwaai. `n Tou waamee jou tent aan jou voertuig geheg kan word, word aanbeveel.

• Klere: In die aand is dit koel tot koud en in die dag kan dit warm word. Gemaklike skoene daardie sand kan warm word.

• Hierdie is nie `n avontuur wat jaarliks herhaal word nie, so kameras om vir altyd  hierdie onvergeetlike gebeurtenis te verewig.  Verpak alles afsonderlik in plastiese sluitbare sakkies ("Ziploc's"). Onthou ook om die kamera weer daarin terug te plaas nadat dit gebruik is. Sand kruip in waar dit die minste verwag word. Met die hedendaagse tegnologie tot ons beskikking is `n digitale kamera met ekstra geheue en / of skootrekenaar die antwoord.  

• `n Kopliggie werk uitstekend, indien nog nie daarin belê is nie, oorweeg dit.

• Dit is nie nodig om enige herwinningstoerusting saam te neem nie, Volker is toegerus en dit word gebruik.

Indien moontlik maak voorsiening om `n dag of wat voor die avontuur begin in Lüderitz te arriveer. `n Dorpie met baie besienswaardighede en Duitse karakter. Dias, die seevaarder, het ook `n kruis hier geplant. Onthou ook om pen en papier saam te neem vir notas, Volker is bekend met die Namib en deel baie interessante inligting.

Al gehoor van die Khoigabpan met 9 maal meer ondergrondse water as Hardup, Namibië se grootste dam. Van Moses Kahn, `n vliegveld in die woestyn, van Susie en die Dozer om jou belangstelling te prikkel. Daar is nie net sand in die Namib nie -  daar is `n geskiedenis.

Dag twee is in duinstrate en oor duine in die rigting van die see. Afstand gewys nie ver nie, net 69 km, dit het `n dag geneem om dit te voltooi. Daar was darem tyd toegelaat om te speel en bestuursvernuf te toets. Kamp hoog op `n koppie langs die see naby Sylvia Hill. Dag drie nog minder, net 47 km, al oor die groot duine met diep waaigate orals ingeets wat vernuf en konsentrasie verg, beland in een van hulle en uitkom is nie gewaarborg nie. Kamp 3, is op die strand agter `n groot duin, naby die see.

Dag vier word vir kilometers op die strand gery, tussen die see en die duine, by tye lek die see weer die spoor van die voertuig voor of agter glad. `n Draai word by Fisher’s Brunn gemaak, al gewonder wat word van die water wat by Sossusvlei in die sand verdwyn?. By Meobbaai is daar houthuisies waar die hengelklub visvang vir navorsing. Met ons besoek het die totaal wat gevang, gemerk en weer teruggegooi was op 40,490 gestaan. Op die strand by Meobbaai lê daar vir `n paar kilometer walvisbeendere wat uitgespoel het toe daar nog jaggemaak was op hierdie diere. Hier in die omgewing van Meobbaai was daar groot gemyn. Verskeie oorblyfsels is nog sigbaar van gereedskap wat gebruik was om die blink klippies uit die sand te haal.

Sand, sand en nog... sand Die Eduard Bohlen, nou sowat  800 m van die seewater af.

Een van die kenmerkendstes is `n waterpyp wat vir 80 km op die sand gelê was. By Grillenberger, Charlottenfelde en Holsatia is oorblyfsels van kruiptrekkers, siwwe, werkershutte en baie bierbottels. Nadat  hierdie geskiedenis aanskou en geniet is, is dit weer terug op die duine en kamp 4 is agter `n ou groot duin. Die meeste van hierdie dag se 126 km was by wyse van spreuk harde maklike pad.

Hierdie  waterpyp was vir 80 km op die sand gelê. Vir die Namibwinde bly niks vir altyd verborge nie.

Dag vyf  is weer nader na die see oor `n paar groot duine en verby die Eduard Bohlen wat op 5 September 1909 hier gestrand het met `n vrag mynboutoerusting. Die kuslyn het sedertdien drasties verander wat maak dat die oorblyfsels van die boot ongeveer 800 meter van die water in die woestyn lê. Van daar is dit weer strandry vir `n groot deel op die strand tot by die oorblyfsels van die Shawnee wat in 1974 hier gestrand het. Hierdie Amerikaanse "tuck" boot is byna begrawe onder die Namib sand, anders as die geraamte van `n mens wat weer oopgewaai is en net agter `n klein duintjie naby die see lê. Nadat daar weer `n bietjie in die groot duine gespeel is en `n draai by die ou vleisinmaak fabriek gemaak is, is dit weer terug na die groot duine kamp 5 is agter `n ou grootte, hier het URI Adventures `n kamp gemaak vir besoekers om die laaste nag oor te bly nadat nog 114 km in verskeie vorms van die namibsand agter die rug is.

Dag ses begin agter die groot duine tot op die stand waar die duine gegroet word en vir kilometers weer op die strand gery word verby die soutwerke buite Walvisbaai tot in die dorp. Afgesien van die paar duine tot by die see is hierdie 63 km maklike strandry. Na hierdie avontuur is `n warm stort of bad aan te beveel.

Bespreek dus vroegtydig en geniet dit. Dolphinpark word aanbeveel.

Terug na Roetes