Om ons te help om ‘n beter diens te lewer sal ons u terugvoer baie waardeer. Enige iets wat u reken ons kan verander kan vir ons van hulp wees daarom sal ons u terugvoer op die volgende vrae hoog op prys stel.

1.  Was die voedsel wat voorsien was genoeg. Het u dit geniet en was dit smaakvol voorgesit. Wat sou u verander het as u dit moes doen.     

As Susan moet verbeter op haar kos, dan sal dit ‘n sonde wees.  Om wildsboud           van 5 * gehalte in die middel van ‘n bergwoestyn voor te berei wil gedoen wees.  PS. Om van die roomys nie eens te praat nie!!!!!!!

2.  Wat die toer betref het dit aan u verwagting voldoen.

Wat die omgewing betref – dit het my wildste gedagtes oortref.  Het nie vooraf veel gelees nie, maar was spyt dat my tuisnavorsing nie voldoende was nie.  Die tipe omgewing wat besoek word is uniek en as natuurliefhebber het dit my oë weereens oopgemaak vir ons Magtige Skepper van hemel en aarde.  Geen mens kan so-iets beleef en onaangeraak daar weggaan nie

3.  Wat was die hoogte punt vir u gewees en waarom.

En route na De Koei.  Al die wonderwerke tussen die klippe, die fynste fyn blommetjies in die totale ongereptheid.  Die hele omgewing praat met jou in ander tale as wat vir die menslike oor hoorbaar is..

4.  Waarvan het u nie gehou nie en waarom nie. Hoe sou u dit wou verander.

Om te sê dat ons nie daarvan gehou het nie, is baie kras gestel, maar ons sou graag in Kokerboomkloof wou oorbly aangesien sekere paaie gesluit is en jy nie by alle besienswaardighede kan uitkom nie, en weereens afhangende van jou persoonlikheid – dit sou lekker gewees het om in die veld rond te stap en die rotsformasies van naderby te beskou. Die nietigheid van die menslike natuur word weereens beklemtoon in die teenwoordigheid van die totale grootsheid.

5.  Is genoeg tyd gegee vir besigtiging en inligting.

Baie dankie, dit het vir geen oomblik gevoel asof ons aangejaag is om verder te ry nie, en ons is ook die vryheid gegun om ‘n ekstra tydjie tussen die plante te spandeer.  Wat die inligting betref, dit is moeilik om binne 1 of 2 besoeke alle inligting en geskiedenis omtrent die area te onthou, maar ek sou dink dat dit baie belangrik is dat die gidse goed ingelig is omtrent die area sodat vrae gemaklik beantwoord kan word.  Afhangende van die groepe wat betrokke is – sommige wil gevoer word met inligting en andere het klaar hul huiswerk gedoen en sal dalk net ‘n paar vrae vra wat vir hulle onduidelik is. 

6.  Wat is u indrukke van die gebied, waar sou u meer tyd wou bestee en waarom.

Die totale grootsheid en kontraste in die gebied het my heeltemal verras.  Vir my eie persoonlike ervaring sou ek meer wou afdwaal van die hoofroetes en meer ingaan op die geskiedenis van die area, asook sekere van die sirkelstaproetes wou doen, veral om die permanente waterval te wou sien – net om te sien of dit regtig moontlik kan wees dat daar in die barre area met groot watertekorte ‘n permanente waterval kan wees.  Dit is egter moeilik om met groepe af te wyk van die hoofbesienswaardighede, maar dalk sal dit die moeite werd wees om te ondersoek.  Ek dink egter elke groep het sy eie meriete en dat dit moeilik as individu is om te bepaal wat vir ‘n volgende groep belangrik sal wees om te sien.  Party sal meer van die voëllewe teen die rivier wil sien en ander sal meer omtrent die diverse plantegroei van die omgewing wil ervaar.  Met ‘n vooraf vraelys kan verskillende groepe dalk geìdentifiseer word.

7.  Watter gedeelte sou u nie wou besoek het nie en waarom nie.

Indien jy al ‘n paar besoeke aan die Richtersveld gebring het, eers dan dink ek kan jy selektief begin besoek, maar tot dan is ek bevrees is daar geen gedeelte waar ek nie sal wil heengaan nie.  Die area groei op jou en ek glo  na baie, baie jare se ondervind en ervaar sal jou “ervaringspotjie” nog nie gevul kan wees nie, bloot omdat elke tydstip van die jaar ‘n ander gesig aan jou gaan wys.

8.  As u verantwoordelik was vir die reelings wat sou u anders gedoen het.

Probeer om so min as moontlik paaie 2 keer te ry en B. Dalk die droë dele  van die park eerste besoek, nl. die binnelandse staanplekke en dan die riviere, maar ek verstaan dat daar ‘n ongeskrewe reël bestaan, dalk kan mens net so ‘n klein bietjie daar rondom werk.

9.  Uit ‘n koste aspek het u waarde vir u belegging gekry. Indien nie wat dink u sou ‘n billike koste wees vir wat aangebied was.

Geen probleem nie

10.  As u vriende u vra oor u wegbreek saam met bostoe wat gaan u hul antwoord.

BOSTOE EN CIE

11.  Sal u weer in die toekoms saam met ons wil gaan toer en indien wel waarheen.

Mosambiek en Kenya???????

 Ronel Theron. Brackenfel.  E-Pos: ronel@werdacargo.co.za