4 X 4 selfrytoere na die volgende gebiede:

• Kaokoland

Kaokoland is seker een van die min werklike wildernis gebiede in Namibië, geleë in die noordwestelike hoek van die land aangrensend met Angola. Gerugte van die moontlikheid dat een van die mooiste verskuilde plekke in Namibië, die Epupa-valle, gaan verdwyn as die beoogde dam in die Kunene gebou gaan word maak dit meer en meer dringender om hierdie ongelooflike gesig te gaan sien. Dan is daar ook nog seker die moeder van bergpasse, die VanZijlspas, en nog ‘n asemrowende uitsig oor die Marienfluss van die uitkykpunt bo-op Van Zijlspas. Die Puros omgewing is ook nog ‘n verskuilde juweel in Kaokoland en as die geluk aan jou kant is daar die moontlikheid van woestyn olifante wat in hierdie gebied hou. Ander hoogte punte op hierdie toer is ‘n besoek aan ‘n tradisionele Ovahimbakraal, Palmwag ‘n oase in die dorre gebied.

Al gehoor van ‘n klipwoestyn en poepstof maar nognie gesien of beleef nie, dan is dit die tyd om daardie viertrekvoertuig te pak, koers te kies, rigting noord Namibië. Hierdie 14 dae selfrysafari begin in Etosha en eindig in ‘n “klein Duitsland” in Namibië, Swakopmund.

Ons voorsien tweerigting radios op ‘n geslote kanaal vir elke voertuig vir die duur van die toer en sorg ook vir die nodige herwinnigstoerusting sou ons dit nodig kry.

Ons kan ook aanpassings maak om by u behoeftes en voorkeure aan te pas.

Verdere navrae.

• Khaudom

Die Khaudom is geleë in die noord oostelike hoek van Namibë, suid van die ingang tot die Caprivi. ‘n Verlate gebied met diep sand tweespoorpaaie. ‘n Besoek aan hierdie gebied met stilte en helder sterrehemel gee jou kans om te vergeet van die geharwar en gedruis van die stad.  As deel van Boesmanland met nog ‘n paar van hierdie mense wat nog van die veld lewe en met sy reuse kremetartbome en panne is hierdie gebied ‘n moet vir die natuurliefhebber. Vanwee die ligging kan ons hierdie toer laat aanpas by u spesiale behoeftes, deur of die Caprivi of wes Botswana in te sluit. Die beste tyd vir ‘n besoek is laat winter vroeg lente net na die val van die eerste lente reën wanneer daar ook ‘n migrasie in die kleine plaasvind.

Verdere navrae.

• Namibië.

‘n Land van kontraste en ‘n ideale gebied om ‘n wegbreek vakansie heen te onderneem. Van die suide tot die noorde, ooste en weste, maak jou keuse en ons beplan vir jou ‘n onvergeetlike “komweer” toer, vir die viertrek entoesias sowel as vir diegene wat nognie een aangeskaf het nie.

Na ‘n toer saam met ons in jou eie voertuig sal julle nie kan wag vir die volgende vakansie om die buitelewe te gaan geniet nie. Ons groepe word beperk tot 10 – 12 persone (5 – 6 voertuie). Vir die duur van die toer voorsien ons ‘n tweerigtig-radios vir elke voertuig en vergesel die groep in ons tenvolle toegeruste voertuig. Ons voorsien ook ontbyt en heerlike aandete.

 Verdere navrae.